Eiríkur hinn rauði hyggur á nýja landvinninga í austurvegi

Jæja, þá liggur það fyrir hver verður sverð okkar og skjöldur í Helsingi, Eiki bleiki in action.

Mér líst bara fjandi vel á það. Með fullri virðingu fyrir öllum þeim sem þátt tóku í þessar skrípasýningu þá var hann bara frambærilegastur. Þeir sem eru ekki sáttir við það verða bara feisa þessa staðreynd og sætta sig við það. Það er enginn annar kostur í stöðunni.

Við höfum sent út ýmsa skrautlega karaktera í gegnum tíðina í þessa "keppni", með misgóðum árangri. Sá skrautlegasti sem við höfum sent út, að Sverri "sextánda" Stormsker undanskildum, er án efa Pálína Ósk Hjálmtýrsdóttir sem skeit víst kleinuhringjum í viku eftir heimkomuna, að eigin sögn. Svo var það auðvitað klassískt þegar Valgeir Guðjóns hitti fréttamann RÚV eða stöðvar 2 í Bankastræti 0 eftir seinni ferðina sína. Þessi staður átti mjög vel við árangurinn hjá honum.

En hvað ætli bíði nú Eika?

Ég er nokkuð viss um það að hann nái því að láta okkur  skríða upp úr forkeppninni og verður það stuðningur skandinava sem mun ráða mestu þar um.

Kannski er þetta bara gamli góði þjóðrembingurinn sem er bara að vakna og berst nú frá Íslands strönd eins og gerðist 1986 þegar það var bara formsatriði að fara í þessa keppni. Við vorum búin að sigra áður en lagt var af stað.

Hvað sem öðru líður þá verður bara gaman að fylgjast með því hvernig skítblönku ríkisútvarpinu tekst að eyða helling af milljónum sem eiga víst ekki að vera til.

Slagorð ársins eftir þetta bruðl mun að sjálfsögðu verða: Seljum RÚV! Enda löngu kominn tími til.

Eiríkur Hauksson verður fulltrúi Íslands í Helsinki